නංගිගේ ගට....

          අද පොස්ට්1ක් දානවද නැත්ද කියල හිත හිත ඉඳලා.දැන් හිතුනා එකක් දාන්න ඕනෙ කියලා. මේක අපේ නංගි පංති යනකොට වුන දෙයක්.

             මං කලින් පොස්ට් එකක කිව්වනේ අපෙ නංගි පන්ති යන්නේ පාන්දර කියලා. නඟාගෙ chemistry පන්තිය තියෙන තැනට යන්න දෙල්කඳින් බැහැලා හරස් පාරක ටික දුරක් යන්න ඕනේ. ඔන්න දවසක් නංගිගාට ගාට පන්තියට යනවලු. පාරෙන් එහා පැත්තේ තවත් පිරිමි පරාණයක් එන බව ඇස් කොනින් වගේ නංඟි දැක්කලා .
මෙයා දිහා බල බලා හිනා වෙන බවත් දැක්ක නිසා එන පොටනම් හොඳ නැති වග තේරුන නංඟි පොඩ්ඩක් කල්පනාවෙන් යනවලු. වෙන බලු බල්ලෙක්වත් පාරේ ඉඳලා නෑ.

          එක පාරටම " නංඟි  ඔයා පාදුක්කෙද?". අපේ එකා හොඳට රවල බලලා. " නෑ මේ මාත් ආවේ ඔයා ආපු බස් එකේමයි. ඒකයි ඇහුවෙ". ඒ බස් එක පාදුක්ක එකක් වුනාට. උදේට එන්නේ අපේ පැත්තේ ඉඳලා. ඒ කිව්වේ වග පැත්තේ ඉඳලා මීපේ හරහා.

         ඊලඟට " පන්තිද යන්නේ?". නෝ උත්තර. ඒත් මනුස්සයා වැඩේ අතාරින්නේ නෑ. " මොනවද පන්ති? ලඟද පන්තිය තියෙන්නේ"?. මේ වෙනකොට ගාට ගාට හිටපු අපේ එකා speed කරන්න අරගෙන. මෙච්චර වෙලා පාරෙන් අනික් පැත්තට වෙලා හිටපු කෙනාත් මේ වෙලාවේ නංගි හිටපු පැත්තට ඇවිත්. නංගි දැන් තවත් speed කරලා. " මේ නංගි මොබයිල් එකක් තියෙනවානම් නම්බර් එක දෙනවද?".  මේක අහපු නංගිට ඌරු ජුවල් නැඟලා. මට හිතා ගත්තෑකි අපේ එකාගෙ මූනේ පෙනුම ඒ වෙලාවෙ...:))). හොඳ වෙලාවට අර යකා එන්නෙ පස්සෙන්. නැත්නම් ඉතුරු ටික වෙන්නෙ නෑනේ. :)) 

           කොහොමින් කොහොම හරි දැන් දෙන්නම පන්තිය ගාවටම ඇවිත්. දැන් තමා කතාවේ climax එක. මෙහෙම පස්සෙන් ආපු එකා අන්තිමට අහලා. " නංගි, මොකද කියන්නේ මට කැමතිද?". කොහොමද කට්ටියගේ fast forward වැඩ. දැකල මිනිත්තු ගානට යාලු වෙන්නත් අහන size කට්ටිය දැන් ඉන්නේ.

          මේ වෙනකොට පන්තිය ලඟ නිසා නංගිගෙ බය ඇරිලා . එක පාරටම නංගි අර මනුස්සයා දිහාට හැරිලා. " මේ, ලැජ්ජා නැද්ද මනුස්සයෝ පාරේ තනියෙන් යන කෙල්ලො පස්සේ එන්න. තමුසෙට අම්මලා, අක්කලා නැද්ද?@#^%&^&*^#!#$^*&".

නංගිගෙ පලවෙනි වචන ටික ඇහෙනකොටම "ඇහ්" කියවෙච්ච මනුස්සයා අන්තිම හරිය කියනකොට පේන්නවත් නෑලු.....:))))