පොත් ගත්තෙමු...

             ලංකාවෙ කවුරුත් පාහේ දන්නවා නේ ඉතිං සාහිත්‍ය මාසය වෙනුවෙන් BMICH එකේ පවත්වන පොත් ප්‍රදර්ශනය ගැන.දැන් අවුරුදු කීපයක ඉදන් මාත් ඕකට නොවැරදීම යනවා.යනවා විතරක් නම් මදෑ අතේ තියන සල්ලි ටික හිදෙනකල් පොත් ගන්නවා.:)))) මට විතරක් නෙවෙයි අපරාදෙ කියන්න බෑ අපේ නංගිටත් පොත් පිස්සුව ඉහටත් උඩින් තියෙනවා.අපි දෙන්නටම මේ පොත් පිස්සුව හදන්න මූලික වුනේ අපේ තාත්තායි, කන්තලේ තාත්තයි (තාත්තාගේ තාත්තා). 

                පුංචි කාලෙ ඉදන් පොත් අරන් දීලා ඒවා කියවන්න හුරු කලාට ඒ ගොල්ලන්ට දහස් වාරයක් පින්.ඒත් අපි පොළොන්නරුවෙ ඉදන් පාදුක්කට එනකොට හුඟක් පොත් වැස්සට අහු වෙලා විනාස වුනා.බඩු ඔක්කොම බාගෙට හදපු ගෙදර තියන්න බැරි නිසා පොත් තිබුනෙත් නෑදෑ ගෙදරක.කට්ටිය පොත් කියවන්න කියලා අරගෙන පස්සෙ ඉතිං ඒවත් මිසින්...:((( මේ පාර ගියාම ඒ දවස් වල ආසාවෙන් කියවපු  පොතක් ගත්තා, දැන් මං ලඟ නැති නිසා. අලි පාර , Elephant Walk කියන පොතේ පරිවර්තනය.

                පටන් ගන්නකොටම ඇතුල් වෙන්න හිතාගෙන 9.30 වෙද්දි අපි ඒ කිව්වෙ මම,අපේ නංගි,මාධවයි,එයාගෙ නංගියි,උදිතයි,එයාගෙ මල්ලියි BMICH එකේ ගේට්ටුවෙන් ඇතුල් වෙලා පොකුන ගාවට ඇවිදගෙන යන අතරෙ ඔන්න බොලේ මාධවට එනවා කෝල් එකක්. මාධව කියනවා "ඔව් බං අපි ඇවිල්ලා ඉන්නෙ." කියලා. මට ඉතිං නිකමට වගේ හිතුනා මේ නම් ශුවර් එකටම මාලුවා තමා කතා කලේ කියලා.

                මට සාපේක්ෂව බැලුවොත් කෙට්ටු, සුදු ( දන්නෝ දනිති..;)  )  කොල්ලෙක් ඉන්නවා තව කෙනෙක් එක්ක පොකුනට කිට්ටුව.මාධවත් එක්ක කතා කරන අස්සෙම මං ඇහුවා මාව අදුර ගත්තාද කියලා.මොන ෆොටෝ එකකින්වත් දැකලා නැති ගානට අහපි මේ කවුද කියලා.හපොයි......බුකියෙන් මාත් එක්ක චැට් කරලාත් මූට මගෙ මූන මතක නැති හැටි.ඕක කිව්වාම නම් "ආහ්..මේ නිසුපා ද? "කියලා අහන්න මතක් වුනා.

            කට්ටිය 10ට එනවා කිව්වට කීය වෙයිද දන්නෙ නැති නිසා ඔන්න ඔහේ ඇතුලටම කස්ටියට එන්න කියමු කියලා හිතාගෙන ඇතුලට.ඔය වෙනකොටත් අපේ පිණිබිඳු නම් මග.එයා එන්න තව විනාඩි 45ක් විතර යයි කියපු නිසා Fහෝල් එකේ ඇවිද්දා.ඒකෙ ඇවිදලා එනකොට මාලුවා කියපි එයා කට්ටියව ඇතුලට එක්කන් එන්නම් ඔහොම ඉන්න කියලා.මාලුවා එක්ක ආපු අනික් එක්කෙනා මං හිතුවෙ මල්ලි කෙනෙක් කියලා.අනේ කතා කරලා බැලින්නම්  අවුරුදු 2ක් විතර වැඩිමල්අයියා කෙනෙක් නෙ. :O චානක ජයවර්ධන අයියා.බ්ලොග් එකක්නම් නෑලු.කමෙන්ට් කරනවා විතරලු.


                 අපි බලාගෙන ඉන්නවා ඉන්නවා මාලුවා නෑ.කාලය ඉතිං රන් හා සමානයිලු නෙ.වෙලාව යනකොට සෙනඟත් වැඩි වෙනවානෙ.උදිත නම් කලින්ම ගියා කස්ටිය ඇතුලට ආවාම සෙට් වෙන්න බැරියෑ කියලා.ටික වෙලාවක් ඉදලා මාධවත් Expographic එකට ගියා.අපි (මායි,නංගියි,චානක අයියයි) ඉස්සෙල්ලාම බෞද්ධ පොත් ටිකකුත් බලලා සිරිමාවො එකේ හෝල්B එකට ගියේ බලාගෙන ඉදලා බැරිම තැන.


              මාලුවාට කෝල් කලාම කියනවා මේ ඇතුලට එන ගමන් කියලා.කොහෙද ඉතිං ඒ කියන්න ඇත්තෙ එන්ට්‍රන්ස් එකේ පෝලිමේ කෙලවරේ ඉදලා වෙන්න ඇති..:D.ඕන එකක් කියලා මායි,නගායි විජේසූරිය එකට රින්ගුවා.අනේ අම්මේ ඒකෙ හිටපු සෙනඟ.හොද පොත් තියෙනවා වගේම ඩිස්කවුන් එක 30% වෙන නිසා සෙන්ග සූ ගාලා.පොතක් තෝර ගන්නවත් විදිහක් නෑ.:( කැශියර් එකට පෝලිම ස්ටෝල් එක ඇතුලෙ දරණ ගහලා.එන පොට හොද නෑ කියලා තේරුන නිසා ගන්න ඕනෙම කියලා හිතුන පොත් ටික අරගෙන මං පෝලිමට ගිහිල්ලා නගාට කිව්වා තව හොද පොත් හොයන්න කියලා.


               ඔය ජරමර අස්සෙ පිනිබිඳුවා කෝල් කරලා අහනවා "කොහේද බං?" කියලා.මං ඉන්න තැන කියලා ඉක්මනට කට් කලා.තල්ලු කරගෙන කට්ටිය ඉස්සරහට යන්න හදන නිසා මට බැලන්ස් නැතුව ගිහින් හිටියෙ.ඔන්න තව ටිකකින් ආයෙත් කෝල් එකක්."මං ස්ටෝල් එකෙන් එලියෙ ඉන්නෙ. කෝ බං පේන්නෙ නෑ නෙ උඹව." "ඔහොම ටිකක් හිටපන්" කියලා ආයෙත් තිබ්බා.කොහොමහරි පොත් ටිකත් අරගෙන එලියට එනකොට ඩබලගෙම ඇස් උඩ.ඩබල කිව්වෙ පිනිබිඳුයි,වෙන්ට හබියයි....


                  "ඔයාලා පොත් අරන් ඉවරද?"මං කිව්වා නෑ තව ගන්න ඕනෙ කියලා.පුදුම වෙන්ට දෙයක් නේන්නම් අපි එතනින් පොත් 10ක් අරන්නෙ.අද තමයි බිල බැලුවාම තේරුනෙ.අපේ නගා තමා පොත් වල වැඩි බර ඇද්දෙ.පින්ම සිද්ද වෙනවා නගාට.ඕක දැක්ක වෙන්ට හබිය (පිනිබිඳුගෙ) කියනවා "අනේ ඕවා මෙයාටනම් පුරුදු කරන්න එපා.මට තමා උස්සගෙන යන්න වෙන්නෙ." කියලා.


                        ආයෙත් කොහොමහරි මාලුවාවයි,චානක අයියාවයි සෙට් වුනා, පිනිබිඳුව හැලුනා.මේ දෙන්නත් එක්ක සරසවි එකේ ස්ටෝල් එක පැත්තට යනකොට මෙන්න ඉන්නවා සෙට් එක පඩි පෙලක වාඩි වෙලා.කවුද....????කවුද ඉතිං අපේ බ්ලොග් කාරයො ටිකක්.හරිම සන්තෝසයෙන් කට්ටියව අදුනගත්තා.මගෙ පොත් මල්ල දැකලානම් කස්ටිය බය වුනාදත් මන්දා.


               ටිකකින් කට්ටියම ඇතුලෙ AC එකක් ගාවටම සෙට් වුනා.අපේ කචබචයයි දැගලිල්ලටයි අපිව තව ඩිංගෙන් ඒ හරියෙ තිබුන ස්ටෝල් එකේ උන් අපිට නෙලනවා අම්බානකට.ආයෙත් පඩි පෙලටම සෙට් වුනා. විසිරිලා හිටිය දන්න කියන අය ටිකත් එකතු කරගෙන වටේ ඉන්න අනික් මිනිස්සුන්ට ඇණ වෙවී පොටෝ දෙක තුනකුත් ගත්තා.ඔය වෙද්දි වෙලාව එකත් පහු වෙන්න ඇවිත්.ඒත් එකෙක්ටවත් බඩගිනි පාටක් නම් නෑ.හිතේ සතුටටද කොහෙද....

                       හ්ම්....ඒත් කන්නත් එපැයි.මායි,මධුරංග මල්ලියි බඩඉරිඟු කද්දි අනික් අය මැගී කෑවා.ඔතනදිම තමයි අර මාලුව කියන  "පොටෑපෝටෙලෝ" සිද්දියත් වුනේ...හික්ස්...ඒවා පසුවට.....ආහ්...තව ටිකෙන් අමතක වෙනවා. ඔය ෆොටෝ එකේ නැති වුනාට අපිට රන්දිල් අක්කයි, සිංහයාවයි හම්බ වුනා නෙව.රන්දිල් අක්කාට මාව මතක තිබුනා.ඒකටනම් මාරම සතුටුයි....:)))


                     යන්න කියලා එලියට යන්න හදනකොටම නීනුව හම්බ වුනානෙ.හම්බ වුනාමත් නෙවෙයි.එයා අපි පස්සෙන් දුවගෙන ඇවිත් අපිව නතර කරගත්තා.හික්ස්..ඊට පස්සෙ ඉතිං එයා වචන 20ක් විතර කියද්දි අපි වචන 1ක් විතර කතා කර කර හිටියා.එක පාරටම මෙයා මාධවගෙ නංගිව පෙන්නලා "ඔයා නිසුපා ද?"කියලා ඇහුවෙ නැතැයි.හපොයි......ඊට නෑ මෙයා කිව්වාම කියපි "ඔයා කලු වෙලා" කියලා.හික්ස්..ඒ ඉතිං ෆොටෝ වල හැටිනේ.අක්කන්ඩිත් ඒ වෙලාවෙ නීනුත් එක්ක හිටියා.


                      නොමිලේ ප්‍රවාහන සේවයේ බොරැල්ලට ඇවිත්.එතනින් කොට්ටාවට ඇවිත් ගෙදර එනකොට හවස 6.30ත් පහු වෙලා ඕන්..


       කොච්චර මහන්සි වුනත් හිතේ සතුටනම් අඩු නෑ.පොත් ප්‍රදර්ශනේට ගිය ගමන් වලින් ජොලිම ගමන වුනේ මේක තමයි.ස්තූතියි ආපු යාලුවො හැමෝටම.


ප.ලි.
                  අතුරු කතානම් බොහොමයි.ඒවා ලිව්වොත් මේක මාගලක් වෙයි.ඒ නිසා ඒවා ඕනෙ නෑ...:D